اروع القصيد

[زعيم الشوق]

ما كل من يركب على الخيل خيال ولا كل خيل تعجبك هي أصيـله


ولا كل من يعجبك هرجه برجال بعض العرب ملسون وأيده
بخيله


الكل يلبس ثوب و شماغ وعقال وعند اللزوم أفعالهم هي قليله


الرجل تثبت له أقاويل بأفعال لا قال شئ ونفذه هو دلـيله


والرجل لا شفته مع القيل والقـــال ابعد عنه هذا صفاته عليلة


والكذب خله عنك ما فاد لو طال قول الصدق يا صاح غنم وجميـله


وخلك شجاع وذي صفات للإبطال اللي كما سيوف تبارق سليـله


واللي شراك اشريه لو كان بالمال خلك معه وان مــــــال دور بديله


واصبر ترى الدنيا تبدل بها أحوال وما كل شئ صافي تشـــــوفه تجيله


وبعد الكدر تشرب صفا عذب وزلال هذا الزمن فيه استــــقامه وميله


وصاحب خليل لو جفـا الوقت ما مال ترى الرجل يعرف بقيمة خليـله


واقفل على سرك بكتمان وأقفال بعض العرب يسمع و ينوي بحيله



وخلك أمين إذا توليت الأعمال من خان في يوم الحشر يا حليلة



خل التواضع فيك واضح بالأفعال ترى الكبر يردي بيوم وليـله



ولا تحسد اللي عنده أموال وعيال وش ينفعك لو كان حـــسدك يزيله


ولا تزور تقلب الزين بطـال الله عليم بالنوايا الدخيلة



وخلك رزين ترى المخفه للأطفال واصفح عن المخـــــطي ولو زاد قيله


واحمل همومك لو تزن وزن آلآثقال بكره تروح وتنجلي لو ثقيلة



وصل الفروض ولا تنسيك آلآشغال محدن في الدنيـــــا درى وش بقي له


وزور آلآقارب للرحم كون وصـــــال وخلك عظيم الشأن وسط القبيلة


وصلاة ربي عد ماهل همـــــــــــــال على النبي اللي صفاته جليلة

[صباح صبرى]

كلمااات نسجت من وحى خيااال
عزف منفرد رااااائع جداا القصيد
طاب فكرك ودااام قلمك
تقبل مرورى
صباااح

[برق المناضح]

مجهود رائع وكبير في طرح هذا الموضوع
فكل الشكر والامتنان لك
جزاك الله خيرا
ننتظر جديدك


فقط للاعضاء المسجلين يمكنهم رؤية الروابط

[القحطاني]

وصل الفروض ولا تنسيك آلآشغال
محدن في الدنيـــــا درى وش بقي له

كل الشكر للقصيدة الرائعة والكلمات المميزة
التي أتحفتنا بها آملين منك التواصل بهذا الإبداع
والتألق .. ننتظر جديد قلمك